Veesbook


Besuche seit 2014

Eierköpen

Dat Eierköpen hett woll all eine lange Tradition. Sünndos no Ostern güng dat los.

Non Middag , viellich so um Klock 2 drüppen sick de Jungs in`n Dörp un denn güng dat los. To min Tiet, as ick dat so miterleft heff, güngen ok nur de Jungs mit non Eierköpen. Deerns de harn dor nix bi toseuken. In de hütigen Tied is dat jo anders, dor goot Deerns un Jungs mit, un de schafft ok nich mehr so veel Hüs as dat freuer wer. Dat Dörp is jo ok gröter wohn. Dat Eierköpen lopt noch ümmer so aff as freuer. Jungs, de denn konfirmiert weuen de tröfen mit ton Eierköpen, to us Tied wer de Konfirmation ok immer all för Ostern. Dat güng denn von Hus to Hus, öberall wör denn Schluck inschenkt und in denn Eierkorf, denn ümmer de beiden ölsten dregen müssen, wörn denn Eier rinlecht. 2 – 3 Eier dat wör so Satz. Manchmol gef dat  ok mehr. Un denn krägen de litten Jungs ok meistens ehren ersten richtigen Brand. De Tour güng denn ok meistens quer Feldin öber de Wischen un aster Schnittjes Hus is denn ok so manch ener in Berk falln. Wenn se denn rund wern in Dörp denn wern Obens de Eier bi irgendeinen backt. Ick kann mi dor op besinnen dat dat denn meistens ok noch son Prügelee geef. Jedenfalls Schluck harn se denn genoch hat. De Promille har man sicher nich meten dröft.

Wie man op de Biller sehn kann, fein antogen wer man domols ok. Ick nehm an, dee in den Anzug un mit`n Schlips um, dat wern die frisch konfirmierten Jungs.

Un Musik wer denn ok dorbi.

Düsse Biller von dat Eierköpen sind woll so 1954 oder 1955 mogt woen.

(Helga Kröger)